මුලපිටුව | අධ්යපනවේදී උපධි පාඨමලා සටහන් | ගණිත ක්රියාකාරකම් | මාගැන තොරතුරු | මා ඇමතීමට
විල්පත්තු ජාතික වනෝද්යානය
විල්පත්තු ජාතික වනෝද්යානය පිහිටා ඇත්තේ අනුරාධපුර නගරයට බටහිර දිසාවෙන් කි. මී. 30 පමණ දුරින් වන අතර මෙහි සීමාව උතුරු මැද සහ උතුරු නැගෙනහිර පළාත් අතර පිහිටා ඇත. මෙය මුහුදු මට්ටමේ සිට මීටර් 152 උසින් පිහිටා ඇත. විලිපත්තු යන නමෙහි තේරුම ගත් විට එය “විල් සහිත බිමක්” ලෙස දැක්විය හැක. භූ ගෝලීය ලෙස ගත්විට මෙය වර්ග සැතපුම් 425 ප්රමාණයක පැතරී ඇති අතර මෙම ප්රදේශයේ ඇති විශාලතම වනෝද්යානය ලෙසද සැලකිය හැක. මෙය අක්කර වලින් ගත්විට 131, 693 පමණ විහිදී ඇත. 1905 සිට සිට මෙය අභය භූමියක් ලෙස නම් කරන ලදි. මෙහි දේශගුණය ගැන බලන විට එය තරමක් ඝන වියළි කලාපීය කලාපයක් වේ. එමෙන්ම සුදු වැලි සහිත ඉවුරු වලින් යුත් ගලායන විල් මෙම කැලය තුළ පිහිටා ඇත. අතිවිශාල ගණයේ ශාක වර්ග සහ මුවෝ, අලි, ඌරන්, දිවියන්, වලසුන් යන වන සතුන්ගෙන් ද මෙම වනය ගහන වී ඇත. විල්පත්තු කැලය තුළ සිටිනා දිවියන් ගණන තවමත් හරියට ගණනය කර නැත. දිවියන්ගේ ගහනය නිසා මෙම වනෝද්යානය ලෝකයේ හොඳම ජාතික වනෝද්යාන අතරින් එකක් බවට පත්ව ඇත.
මෙම විල්පත්තු ජාතික වනෝද්යානය ඉතිහාසය දක්වා දිව වුවක් අතර ප්රසිද්ධ පුරාවෘත්තයකට අනුව බු. ව. 543 දී විජය රජු කුදිරමලෛයි නම් ස්ථානයට ගොඩබැස එහිදී කුවේණි නම් කාන්තාව විවාහ කරගත් බව කියැවේ. හඳුනාගත් පෞරාණික නටබුන් වලට අනුව කුවේණි ජීවත් වු ස්ථානය ලෙස කාලි විලු නම් ස්ථානය බවයි. මෙම කුදිරමලෛයි හා කාලි විලු යන ස්ථාන දෙකම විල්පත්තු අභය භූමීය තුල පිහිටා ඇති බව කියැ වේ. ඉතිහාසය තවදුරටත් පෙන්වා දෙන පරිදි නම්, වර්ෂ 2000 කට පෙර මෙහි දුටුගැමුණු රජතුමාගේ පුත් සාලිය කුමරු අශෝක මාලා විවාහ කරගෙන ජීවත් වුයේ ද මෙම විල්පත්තුවේ පිහිටි මරදන්මඩුව නම් ස්ථානයේ බවයි.
දේශගුණය පිළිබඳ ගැන සලකන විට මෙම ප්රදේශයේ සාමාන්ය උෂ්ණත්වය ආසන්න ලෙස සෙ. අංශක 27. 2 පමණ වන අතර වර්ෂාව ආසන්න ලෙස මිලි මීටර් 1000 කට ආසන්න ප්රමාණයක් වේ. සැප්තැම්බර් සිට දෙසැම්බර් දක්වා වු කාල සීමාව විල්පත්තු වනයට වැසි ලැබෙන කාලසීමාවන් වේ. අන්තර් මෝසම් වැසි මාර්තු , අප්රේල් යන කාල අතර ලැබේ. මැයි සිට සැප්තැම්බර් මුල දක්වා කාලය පුරා නියඟය පැතිර පවතී.
විල්පත්තු වනය විල්ලු සහ විල් වලින් ගහනව පවති. ආසන්න ලෙස විල් සහ වැව් 60 ක් පමණ මෙහි ඇති බවට සොයාගෙන ඇත.මෙම උද්යානයේ ප්රධාන ලක්ෂණයක් ලෙස මෙය සැලකිය හැක. මෙම විල් වැසි ජලයෙන් පිරී ඇති පැතලි බේසම් ආකාරයෙන් යුක්ත වේ. මෙහි බටහිර පැත්ත සම්පූර්ණයෙන්ම වට වී ඇත්තේ කැලයෙනි. මේවා පළු, මිල්ල, වීර, කළුවර, වේවරණ යන විශාල ගස් වලින් යුක්ත වේ.
රට මුහණ දුන් ආරක්ෂිත හේතුන් මත 1988 දෙසැම්බර් සිට 2003 මාර්තු 16 දක්වා මෙම වනෝද්යානය වසා තැබිණී. අවුරුදු 16 කට පසු එය නැවතත් නරඹන්නන්ට විවෘත වීම සතුටට කරුණකි. නරඹන්නන්ට මෙයින් 25% ක ප්රමාණයක් වර්තමානයේ කාලයේ නැරඹිය හැක. මෙම වනෝද්යාලනය නැරඹීමට හොඳම මාස නම් පෙබරවාරි සහ ඔක්තොම්බර්ය. සංචාරක්යන්ට මෙහි මගපෙන්වීම සඳහා මෙහි බිහි වී ඇති Eco-Tourism කණ්ඩායම් කිහිපයක් ඔබටත් ගියහොත් දැක ගත හැකි අතර එපමණක් නොවSafari ද යා හැක.
Comments (0)
You don't have permission to comment on this page.